相信唔少女士都有呢一個困擾：明明人唔係肥，但次次影相都會見到雙下巴湧現。到底點樣先可以擺脫到呢個問題呢？今日就等小編同大家分享六個動作，做完就可以同雙下巴講拜拜，唔洗再諗照相要用咩角度先可以隱藏到佢！

其實雙下巴唔一定係因為脂肪堆積先會出現，其他原因如肌膚鬆弛，肌肉發達，以及水腫問題，都會令臉部出現浮腫，所以望落就好似出現雙下巴咁樣。如果想解決呢啲問題，我地就要做一系列嘅動作去令皮膚變得緊實，並處理水腫問題。

#下顎伸展
先將頭向後仰，雙眼注視天花板，將下顎向上抬起，感受下巴肌肉嘅伸展，維持十秒後，放鬆下顎肌肉，慢慢將頭帶回自然嘅位置。
 
#用球按摩下顎肌肉
找一個大概同手掌差不多大小嘅球，放喺下巴肌肉上，讓球喺肌肉上來回滾動。咁樣可以幫助肌肉放鬆，減少因為肌肉僵硬而引致嘅雙下巴錯覺。

#嘟嘴
先將頭稍微向後仰，雙眼望住天花板，嘟起嘴想像自己要親吻天花板，咁樣可以伸展到下巴嘅深層肌肉，維持十秒後，慢慢將頭抬起。

#伸舌頭
伸舌頭嘅動作，可以伸展到脖子前方嘅深層肌肉。一開始先直視前方，將舌頭盡可能地向外伸出，再讓舌頭盡量去碰自己嘅鼻頭，各維持十秒後，就可以放鬆。

#脖子伸展
呢個動作其實有啲類似伸舌頭嘅動作，一開始先將頭向後仰，用舌頭頂住你嘅上顎維持5到10秒，依樣可以伸展到脖子前面嘅肌肉，讓脖子睇落更加修長。

#轉頭下顎伸展
一樣先將頭向後仰，然後將頭轉向左邊，張開你嘅嘴巴維持5到10秒，接著轉向右邊就完成咖啦。